SUNDAPEDIA.COM, Sampurasun! Nadom atau nadzom Isra Mi’raj bahasa Sunda yang sering dikumandangkan baik pada acara Rajaban atau setelah adzan terdapat dalam kitab Nadzam Al-Maulid Wal Mi`raj.
Kitab tersebut ditulis menggunakan huruf Arab pegon dan tidak diketahui siapa penulisnya. Namun diperkirakan, penulisnya adalah ulama dari Jawa Barat. Hal ini dikuatkan dengan nama penerbitnya yaitu toko Kairo Tasikmalaya.
Dilansir laman nu.or.id, Kitab Nadzam Al-Maulid Wal Mi`raj terdiri atas 2 bab. Bab pertama menceritakan maulid Nabi Muhammad SAW., berjumlah 12 halaman. Sementara bab kedua menceritakan perjalanan Isra dan Mi`raj Rasulullah Saw., sebanyak 9 halaman.
Di bagian akhir terdapat selembar tulisan yang berisi shalawat badriyah berbahasa arab dan berbahasa sunda. Sehingga total halaman kitab Nadzam Al-Maulid Wal Mi`raj ini adalah 32 halaman.
Berikut ini lirik nadzom Isra Mi’raj Nabi Muhammad SAW. yang biasa dibacakan pada acara Rajaban dan dikumandangkan sebagai pupujian setelah adzan di tatar Sunda.
Nadom Isro Mi’raj Nabi Muhammad SAW
Nabi urang saréréa
Kangjeng Nabi anu mulya
Muhammad jenenganana
Arab quraisy nya bangsana
Ramana Gusti Abdullah
Ibuna Siti Aminah
Dibabarkeunna di Mekkah
Wengi Senén taun gajah
Robiul Awwal bulanna
Tanggal ka 12-na
April bulan Maséhina
Tanggal ka20-na
Ari bilangan taunna
500 cariosna
70 panambihna
Sareng sahiji punjulna
Siti Aminah misaur
Waktosna babarna kacatur
Ninggal cahaya mani ngempur
Di bumina hurung mancur
Parangina Kangjeng Nabi
Jatnika pinuh ku puji
Pinter tur gedé kawani
Sabar nyaah ka sasami
Keur opat taun yuswana
Diberesihan manahna
Nabi dibeulah dadana
Malaikat nu meulahna
Jibril kadua réncangna
Mikail jenenganana
Ngeusikeun kana manahna
Élmu hikmah sapinuhna
Tuluy dada Kangjeng Nabi
Gancang dirapetkeun deui
Sarta teu ngaraos nyeri
Dicap ku “Khotamin Nabi”
Rama Nabi kacaturkeun
Pupusna kacarioskeun
Basa Nabi dibobotkeun
2 sasih kaunggelkeun
Ka genep taun yuswana
Ditilar pupus ibuna
Nabi dirorok éyangna
Abdul Mutholib asmana
Kersana Robbul ‘Alamin
Kangjeng Nabi nu prihatin
Yuswa 8 taun yakin
Éyangna mulih ka batin
Saba’da wafat éyangna
Nabi dirawat pamanna
Abi Tholib kakasihna
Sadérék teges ramana
angjeng Nabi sering pisan
Dicandak ka nagara Syam
Sok nyandak barang dagangan
Di dinya téh pajeng pisan
Kacatur di éta nagri
Loba Pandita Yahudi
Sareng Pandita Nasroni
Nu tepang jeung Kangjeng Nabi
Sadayana sasauran
Ieu jalmi moal nyalahan
Pi-Nabieun akhir zaman
Torét Injil geus ngiberan
Sipat Nabi panganggeusan
Aya di anjeunna pisan
Harita loba nu iman
Ka Nabi ngangken panutan
Karesepna Kangjeng Nabi
Ka Gusti Alloh babakti
Di gunung Hiro miranti
Ibadahna saban wengi
Di dinya jol kasumpingan
Jibril nu nurunkeun Qur’an
Kalawan dawuh Pangéran
Nabi didamel utusan
Harita yuswana Nabi
40 taun kawarti
Diutus ku Alloh pasti
Ngembarkeun agama suci
Anu iman pangheulana
Siti Khodijah garwana
Abu Bakar kaduana
Shohabat nu pangmulyana
Murangkalih nu nonoman
Anu pangheulana iman
Syayidina Ali pisan
Ka Nabi sadérék misan
Jeung ari jalma beulian
Anu pangheulana iman
Syaid Bilal kaleresan
Anu jadi tukang adzan
Ari lolobana pisan
Ka Nabi téh ngamusuhan
Nganiaya, ngajailan
Teu aya pisan ras-rasan
Nuju tanggal 7 likur
Bulan Rojab nu kacatur
Runut qaol nu kamashur
Kangjeng Nabi téh disaur
Dipapag ku malaikat
Nyandak burok nu kasebat
Leumpangna téh cara kilat
Tutunggangan Nabi angkat
Ti Mekkah ka Baitul Baqdis
Teu lami-lami antawis
Ku jalmi henteu katawis
Kersana Gusti nu wacis
Di Baitul Maqdis terasna
Naék tangga saterasna
Mi’raj téa kasebatna
Ka langit Nabi sumpingna
Tujuh langit sadayana
Sareng ‘Arasy pangluhurna
Disumpingan sadayana
Katut surga narakana
Kangjeng Nabi ditimbalan
Ku Gusti nu sipat Rohman
Anjeunna kudu netepan
Sholat muji ka Pangéran
Sadayana jalmi iman
Sami gaduh kawajiban
Sholat nu 5 giliran
Henteu meunang dikurangan
Sholat éta minangkana
Dina agama tihangna
Jalmi nu luput sholatna
Nyata rubuh agamana
Kapir Mekkah kacaturkeun
Barang Nabi nyarioskeun
Mi’raj lain dimulyakeun
Anggur pada nyeungseurikeun
Pada hasud ngakalakeun
Ti dinya Alloh ngersakeun
Kangjeng Nabi dialihkeun
Ka Madinah disirnakeun
Para sobat pirang-pirang
Nu buméla milu iang
Milu ngalih saabrulan
Henteu pisan sumoréang
Tambih kamulyaan Nabi
Di Madinah asal sepi
Jadi ramé ku nu ngaji
Muji ka Nu Maha Suci
Sapuluh taun lamina
Di Madinah jumenengna
Agama Islam cahayana
Gumebyar ka mana-mana
Ari mungguh Kangjeng Nabi
Nyaahna langkung ti misti
Ka umatna jaler istri
Leuwih ti sepuh pribadi
Welas asih kanu miskin
Sumawon ka budak yatim
Pada seubeuh ku paparin
Kadaharan jeung pisalin
Akurna ka urang kampung
Calik satata ngariung
Tara angkuh jeung adigung
Sanajan ka urang gunung
Kanu nandang kasusahan
Gering jeung kapapaténan
Ngalayad sarta ngubaran
Ngajajapkeun ka kuburan
Manis saur, manis budi
Éstu mustikaning jalmi
Sajagad moal mendak deui
Saé rupa jeung parangi
Raray lir bulan purnama
Halisna lir katumbiri
Waos lir inten widuri
Salira harum wawangi
Éstu kersaning Pangéran
Lain seungit dimenyanan
Karinget pada nandéan
Diparaké seuseungitan
Pirang-pirang mu’jizatna
Tawis ka-Nabian nana
Qur’an nu nomer hijina
Mi’jizat nu pangmulyana
Tangkal nu pérang daunna
Disiram ku urut abdasna
Ngadadak loba buahna
Sarta hirup saterasna
Domba nu banget kuruna
Sarta lalépét susuna
Diusap ku pananganna
Ngadadak juuh susuna
Dina hiji waktos deui
Sahabat téh kirang cai
Teras baé Kangjeng Nabi
Mundut cai anu kari
Cai ngan sakedik pisan
Éstu kabéh pada heran
Nabi neuleumkeun panangan
Dumadep tuluy manceran
Cai mancer loba pisan
Kaluar tina panangan
Sela-sela ramo pisan
Cukup keur jalma réaan
Ya Alloh nu sipat Rohman
Abdi téh iman ka Tuhan
Teu aya deui Pangéran
Lain ti Alloh Nu Héman
Nu ngadamel bumi alam
Rawuh jeung eusina pisan
Nu wajib diibadahan
Taya anu nyasamian
Sareng abdi iman deui
Ka Muhammad Kangjeng Nabi
Yén éta utusan Gusti
Miwulang ka jalmi-jalmi
Nu sipat kapercantenan
Wijaksana tur budiman
Bener wungkul sasauran
Lain saur kaheureuyan
Hurmat urang ka Anjeunna
Dina mangsa jumenengna
Sareng saba’da wafatna
Éstu teu aya bentenna
Duh Gusti jungjunan abdi
Sayid Muhammad habibi
Pamugi Salira nampi
Kanu hina diri abdi
Abdi umat ahir zaman
Anu banget panasaran
Hoyong tepang ngadeuheusan
Seja tumut serah badan
Baca juga: Arti Lirik Pupujian Anak Adam
Demikianlah, semoga bermanfaat.
